今日同朋友食完飯..打算走過對面馬路時...發現一個婆婆坐在馬路中央安全島下...初時以為佢暈左...走近睇先知佢好呆滯...我朋友同佢講..坐係到好危險叫佢起身返去路邊...講左成分鐘...個婆婆都冇反應...突然佢好似又有返反應咁...不停指住自己個後腦(唔出聲),又指向天...講左d好玄既說話...基於個位置係馬路中央...經多次勸告佢都唔肯起身...仲有時申隻腳出路邊...危險非常...咁我地唯有報警求助...係警察來到之前十多分鐘...呢位婆婆不停自言自語..間中又做d危及自己及他人行為(司機),真係有點擔心...當警察到時..再次勸佢返入去...佢死都唔肯就範,仲好似連警察都鬧埋(好彩D警務人員平時都比人鬧慣左)我諗佢地都唔會放係心到既...呵呵....到最後唯有叫白車加一位女警...將佢送院檢查!
其實佢既行為可以連累好多人...又或者可能佢屋企曾經發生個一d事...令佢受到好大壓力及傷害...令到佢出現一d唔正常既行為....希望各位多d照顧及關心老人家既感受...都希望個位婆婆早日康復!!
